बसबाट टाउको निकाल्दा होर्डिङ बाेर्डमा ठाेक्किएर विद्यार्थीको मृत्यु
सिन्धुली : सिन्धुलीकाे सुनकोशी गाउँपालिका ३ बोहोरेटारस्थित प्रगतिशील माध्यमिक विद्यालयका एक छात्रको होर्डिङ बोर्डमा टाउको ठोक्किएर मृत्यु भएको छ । गुडिरहेको स्कुल बसबाट टाउको निकाल्दा विद्यार्थीको टाउको होर्डिङ बोर्डमा ठोक्किएको जनाइएको छ । घटनामा कक्षा ६ मा अध्ययनत १३ वर्षीय रमण श्रेष्ठको बसको सीटमै निधन भएको थियो ।
विद्यालयका प्रधानाध्यापक चक्रबहादुर श्रेष्ठका अनुसार, प्रगतिशील माध्यमिक विद्यालयले सञ्चालनमा ल्याएको ना ३ ख ३५२० नम्बरको बसबाट घर फर्कने बेला सो घटना भएको हो । रामेछाप जिल्ला खाँडादेवी गाउँपालिका ३ सित्खाटारका रमण श्रेष्ठको घटनास्थलमा नै मृत्यु भएको हाे । यस्तै सुनकाेसी गाउँपालिका ५ मुलकाेट भाेटेखाेला पुलमा बुधबार नै भएकाे सवारी दुर्घटनामा एककाे मृत्यु भएकाे प्रहरीले जनाएकाे छ ।
