आईपीएल: बेंग्लाेरलाई हराउँदै दिल्ली प्लेअफका लागि छनाैट
इन्डियन प्रिमियर लिग आईपीएलमा दिल्ली क्यापिटल्स फेरि लिगको शीर्ष स्थानमा उक्लिँदै प्लेअफका लागि छनाैट भएकाे छ ।
आज भएको खेलमा रोयल च्यालेञ्जर्स बेंग्लाेरलाई १६ रनले हराउँदै दिल्लीशीर्ष स्थानमा उक्लिएकाे हाे । दिल्लीमा भएको खेलमा टस जितेर पहिले ब्याटिङ गरेको दिल्लीले २० ओभरमा ५ विकेट गुमाउँदै एक सय ७ रन बनायो । मध्यम सुरुवात गरेको दिल्लीले पहिलो विकेटका लागि ३५ रनको साझेदारी गरेको थियो । उसका ओपनर पृथ्वी श ले १ रन बनाए ।
यस्तै शिखर धवनले फेरि अर्को अर्धसतक हात पारे । जारी आइपीएलमा उनको यो लगातार तेस्रो अर्धसतक हो । यस्तै कप्तान श्रेयस ऐयरले ५२ रन बनाए । यी दुई खेलाडीले दोस्रो विकेटका लागि ६८ रनको साझेदारी गरेका थिए । यस्तै कोलिन इन्ग्रामले ११ तथा रदरफोर्डले २८ र अक्षर पटेलले १६ रन बनाए ।
बलिङमा बैंग्लोरका युज्विन्द्र चहलले दुई विकेट हात पारे ।
लामिछाने महंगो
जवाफमा बेंग्लोरले २० ओभरमा सात विकेट गुमाउँदा एक सय ७१ रन मात्र बनाउन सक्यो । नेपाली बलर सन्दीप लामिछाने महंगो सावित भएको खेलमा बैंग्लोरका लागि पार्थिव पटेलले ३९, कप्तान विराट कोहलीले २३ तथा डेबेले २४ रन बनाए । यस्तै गुरकीरत सिंहले २७ र मार्कस स्टोइनिसले अविजित ३२ रन बनाए । यो जितपछि दिल्लीले चेन्नेइसँग अंक बराबरी गरे पनि रनरेटका आधारमा शीर्ष स्थानमा उक्लिएकाे हाे ।
उज्यालो अनलाईनमा समाचार छापिएको छ ।
यो पनि पढ्नुहोस्
