अज्ञात रोगले हुम्लामा १ सातामै ८ जनाको मृत्यु

जनपत्र
१४ बैशाख २०७६, शनिबार ११:५९

हुम्ला – हुम्लाको ताजाकोट गाउँपालिकामा थाहा नभएको रोगका कारण ८ जनाको ज्यान गएको छ । केही बिरामी परेका छन् ।

गएको दुई हप्तादेखि स्थानीयमा छाति दुख्ने, ज्वरो आउने र त्यसको केही दिनमा ज्यान जाने गरेको हुम्लाका प्रमुख जिल्ला अधिकारी माधवप्रसाद ढुङगानाले जानकारी दिनुभयो ।

उहाँका अनुसार ज्यान जानेमा बालबालिका र वृद्धवृद्धा रहेका पाइएको छ । ताजाकोटको वडा नम्बर १, २ र ८ नम्बर वडामा यस्तो समस्या देखिएको उहाँको भनाइ छ । यसबारेमा हिजो बेलुकीमात्रै थाहा पाएपछि सुर्खेतबाट स्वास्थ्य टोली त्यसतर्फ पठाइएको उहाँले बताउनुभयो ।

हुम्लाको सदरमुकामबाट ३ दिन लाग्ने भएकाले सुर्खेतबाट एक दिनमै पुग्न सकिने भएकाले सुर्खेतबाट स्वास्थ्य टोली त्यसतर्फ गैसकेको छ । टोली बेलुकीसम्म प्रभावित क्षेत्रमा पुगेर काम थाल्ने उहाँले जानकारी दिनुभयो ।

यसमा तपाइको मत

Your email address will not be published. Required fields are marked *


*