भारतमा कोरोना भाइरसका संक्रमितहरुको संख्या ५ लाख नाघ्यो
भारतमा कोरोना भाइरसका संक्रमितहरुको संख्या ५ लाख नाघेको छ । कोरोना संक्रमितहरुको संख्या मात्र ६ दिनमा ४ लाखबाट ५ लाख नाघेको हो । वल्डोमिटरको शनिबार बिहान ६ः३० बजेको तथ्यांक अनुसार अहिले भारतमा ५ लाख ९ हजार ४ सय ४६ जनामा संक्रमण पुष्टि भएको छ । २० जुनमा संक्रमितहरुको संख्या ४ लाख पार गरेको थियो । भारतमा कोरोना भाइरस संक्रमणको पहिलो केस जनवरी ३० मा देखिएको थियो ।
भारतमा अहिलेसम्म १५ हजार ६ सय ८९ संक्रमितहरुको मृत्यु भैसकेको छ ।
