बच्चालाई हरेक समय किटाणुबाट जोगाउनु अझ खतरा !

धेरैजसो अभिभावक आफ्नो बच्चालाई विभिन्न रोगको संक्रमण हुने डरले किटाणुहरुबाट बचाउन हर प्रयास गरिरहेका हुन्छन् । बच्चाको स्वास्थ्यलाई असर गर्ने बुझाइका कारण उनीहरु आवश्यकताभन्दा बढी नै किटाणुमुक्त बनाउन चाहन्छन् । विज्ञका अनुसार बच्चाको रोगप्रतिरोधात्मक क्षमताका लागि यसो गरिनु गलत हो ।

युनिभर्सिटी अफ सिकागोका प्राध्यापक गिलबर्ट भन्छन्, ‘किटाणु बच्चाको स्वास्थ्यका लागि हानिकारक हुन्छ भन्ने अभिभावकको बुझाई छ । तर यो साचो होइन ।’ धरैजसो किटाणुले बच्चाको रोग प्रतिरोधात्मक प्रणालीलाई बलियो बनाउने उनी बताउँछन् । यो कुरा भर्खरै जन्मिएको शिशुका लागि भने त्यति प्रभावकारी नहुने उनको भनाइ छ । त्यसमा सावधानी अपनाउन आवश्यक छ । तर बिस्तारै शिशुको रोगप्रतिरोधात्मक प्रणालीको विकास हुँदै जाने भएकाले उनीहरुलाई बढी नै सुरक्षित राख्न खोजिनु हुँदैन ।

हरेक कुरामा सरसफाइ नखोज्नुहोस्

घरमा सामान्य रुपमा सरसफाइ त हुन्छ नै । तर हरेक कुरामा बच्चालाई स्यानिटाइजरले हात सफा गर्दिरहने तथा सामान्य फोहोर लाग्दा पनि नुहाइदिरहने कार्य राम्रो होइन । अधिकांश बिरामी बच्चालाई भ्याक्सिन दिने गरिन्छ । यसको अलावा उनीहरुलाई थोर–बहुत धुलो माटो तथा ब्याक्टेरियाको सामना गर्न पनि दिनु पर्ने विज्ञको भनाइ छ ।

घरपालुवा बच्चा साथी

अधिकांश मानिस घरमा गर्भवती हुने बित्तिकै बच्चालाई संक्रमण नहोस् भनेर घरपालुवा जनावर ‘कुकुररबिरालो’ छन् भने पाल्न छाड्छन् । भएकालाई पनि अरुलाई नै दिन्छन् । तर वास्तविकता ठीक यसको उल्टो छ । जुन बच्चा घरपालुवा जनावरको आसपास रहन्छ, उनमा रोग प्रतिरोधात्मक प्रणाली बलियो हुन्छ । त्यस्तै एलर्जीको समस्या पनि रहँदैन ।

त्यसैले तपाईंले घरमा पालेको कुकुरले बच्चाको अनुहारमा चाट्यो भने पनि चिन्ता नलिनु होला । त्यसबाट बच्चालाई थप बलियो हुन सहयोग पुग्ने छ । यसै कारण तपाईंको बच्चाले माटो खाए, हात फोहोर बनाए तथा जमिनमा खसेको खाने कुरा टिपेर खाएमा कुनै चिन्ता नलिनुहोला । यसबाट उनीहरुमा रोगप्रतिरोधात्मक क्षमता थप बलियो हुनेछ । खबरहबबाट