असममा भेटियो १४ फीट लामो गोमन साँप
भारतको असममा १४ फीट लामो गोमन सर्प भेटिएको छ । त्यहाँको एउटा चियाबगानमा सर्प भेटिएको हो । शुक्रवार नागाओं नामक स्थानको जिजुआरी चियाबगानमा गोमन देखिएको हो । मानिसहरूले साँप देखेपछि वन विभागलाई सूचना दिएका थिए । कर्मचारीहरूले सबभन्दा पहिले यसलाई देखेका थिए ।
विनोद दुलु बोहराले सर्प भेटिएको जानकारी पाएपछि सर्प समाते अनि त्यसलाई सुवाङ रिजर्भ फरेस्टमा छोडिदिए ।बोहरा वातावरण तथा पशुप्रेमी हुन् । विगत तीन दशकमा उनले तीन हजारभन्दा बढी प्राणीको ज्यान जोगाइसकेका छन् ।
एजेन्सी
