पाकिस्तानमा १२४ वर्षदेखि बाँधिएको एउटा रुख
पाकिस्तानको पेशावरमा एउटा यस्तो रुख छ, जुन रुख सवा एक शताब्दीदेखि नेलमा बाँधिएर बसेको छ । रुख पक्राउ परेको छ भन्दा ठिक होला कि । सो रुखलाई एक बेलायती अफिसरले सन् १८९९ मा सजाय स्वरुप बाँधेका हुन् ।
रुखमा ठोकिएको काठको चेप्टो टुक्रामा यो घटनासम्बन्धी रोचक कथा पनि लेखिएको छ । ‘म पक्राउ परेको छु ।’ काठको टुक्रामा भनिएको छ । यस रुखलाई पयर्टकहरु पनि हेर्न आउँछन् । यो देखेर उनीहरुलाई हाँसो उठ्न सक्छ । तर स्थानीय बासिन्दाका लागि भने रुख स्थानीयमाथि बेलायती शासकहरुले गरेको दमन अनि अत्याचारको प्रतीक हो । धेरैले यसलाई नाङ्गलो ठोकेर हात्ती तर्साउने तरिकाको रुपमा हेरेका छन् । यसको अर्थ स्थानीयहरुले ब्रिटिस राज विरुद्ध केही गर्न खोजे भने रुखलाई जस्तै गरी उनीहरुलाई पनि दण्डित गर्नेछ भन्ने रहेको एक स्थानीयले बताए ।एजेन्सी
यो पनि पढ्नुहोस्
