हेटौंडा आएर कुलमान घिसिङले भने– ‘अति बिपन्न परिवारलाई निशुल्क बिधुत मिटर’
हेटौंडा / नेपाल बिधुत प्राधिकरणले बिपन्न परिवारलाई निशुल्क बिधुत मिटर बितरण गर्न लागेको छ । घर अगाडी बिधुतका पोल गाडीएको छ, तार तानिएको छ । तर, बिधुत मिटर समेत खरिद गर्न नसक्ने अति बिपन्न परिवारलाई निशुल्क मिटर बितरण गरिने नेपाल बिधुत प्राधिकरणका कार्यकारी निर्देशक कुलमान घिसिङले बताउनुभयो ।
स्थानीय तहको सिफारिसमा निशुल्क मिटर बितरण गरिने उहाँले बताउनुभयो । प्रदेश नम्बर ३ का मुख्यमन्त्री डोरमणि पौडेलसंग आज हेटौंडामा भएको भेटका क्रममा उहाँले गरिब परिवाले पनि बिजुली बाल्न पाउने बनाउन लागिएको बताउनुभयो ।
देशैभरीमा बिधुत बिस्तार गर्ने योजना अनुसार दुई बर्षमा १० लाख वटा नयाँ मिटर बितरण गरिएको उहाँले बताउनुभयो । बिधुत बिस्तारको काम संगै उत्पादन पनि उत्तिकै भईरहेको उहाँले बताउनुभयो । काठको पोलका स्थानमा फलाम र सिमेन्टका पोल फेर्ने अभियानमा प्राधिकरण लागिपरेको उहाँको भनाई छ ।
यो पनि पढ्नुहोस्
