मकवानपुरको वनकरिया वस्तीकी पहिलो जेटिए सन्तोषीको दुखद भोगाई (भिडियो सहित)

वनमा जन्मेर कन्दमुल खाएर हुर्किए, जागिर छोडेर वनकरियालाई शिक्षित बनाउन बिना पैसा पढाउँदै
दिपक सिंह रुम्बा
२९ भाद्र २०७७, सोमबार ०७:०६

हेटौंडा/वनकरिया जाति मकवानपुर जिल्लामा मात्र बसोबास गर्ने जाति हो । वनकरियाहरु मकवानपुर जिल्लाको मनहरी गाउँपालिका वडा नम्बर ४ ट्वाङ्ग्रा खोला नजिकै सानो बस्तीमा दशकौ अघिदेखि घर बनाएर बस्न थालेका हुन । त्यो वस्तीलाई वनकरिया वस्ती भनेर चिनिन्छ । गाउँमा बस्नुअघि उनीहरू चुरे जंगलमा बस्दथे भने हाल २१ घरधुरीमा ८३ जनाको संख्यामा वनकरियाहरु रहेको छ ।

केही दशक अघिसम्म चुरे जंगलमै बसेर जंगलमा कन्दमुल खोजेर, माछा मारेर र बन्यजन्तुको शिकार गरेर जीविका चलाउने वनकरियाहरुको जीवनशैली फेरिएको छ । विस्तारै वनबाट वस्तीमा घर बनाएर बस्न थालेका वनकरियाहरु बिस्तारै हरेक क्षेत्रमा अघि बढ्दै गईरहेका छन् । वनकरियाहरु शिक्षाको क्षेत्रमा पनि बिस्तारै अघि बढिरहेका छन् । अहिलेसम्म २ जना बनकरिया चेलीहरुले एस.एल.सी पास गरेकी छिन् । तिनै मध्ये एक हुन सन्तोषी वनकारिया, उनि अहिले जेटिए कोर्ष सकाएर आफ्नै पेसा व्यवसायमा लागेकी छिन् । वनमा जन्मेर वनको कन्दमुल खाएर हुर्केकी सन्तोषीको लागि शिक्षा हाँसिल गर्न र यहाँसम्म आईपुग्न बिश्वयुद्ध जित्नु जत्तिकै गाह्रो भएको थियो । उनी कयौँ दिन भोक भोकै स्कुल गएकी र पैसा नभएर झण्डै एस.एल.सी. परीक्षा दिन नपाएको दुखद दिनहरु सम्झदै भावुक हुन्छिन । उनले आफुले सिकेका अनि जानेका कुरा आफुमा मात्र सिमित नराखी जागिर नै छोडेर वनकरियालाई शिक्षित बनाउन बिना पैसा पढाउन सुरु गरेको पनि धेरै भै सकेको थियो । मैले तिनै वस्तीमा गएर सन्तोषी बनकरियासंग वनमा जन्मेर कन्दमुल खाएर हुर्केदेखि अहिलेसम्मको पिडा अनि सफलताको बारेमा गरेको कुराकानीको भिडियो तल हेर्नुहोला ।

यसमा तपाइको मत

Your email address will not be published. Required fields are marked *


*