हेटौंडाको खेलकुद विकास समितिको अध्यक्षमा चन्द्र शाही
हेटौंडा । हेटौंडा उपमहानगरपालिकाको खेलकुद विकास समितिको अध्यक्षमा चन्द्र शाही मनोनित हुनु भएको छ । हेटौंडा उपमहानगरपालिका २ का शाहीलाई मेयर हरिबहादुर महतले नियुक्त गर्नुभएको हो ।
हेटौंडा उपमहानगरपालिकाका नगर खेलकुद विकास ऐन,२०७७ को दफा ३ को उपदफा २ क मा भएको व्यवस्था अनुसार नगर खेलकुद विकास समितिको अध्यक्षमा नियुक्ती दिइएको मेयर हरिबहादुर महतले जानकारी दिनुभयो । आईतबार बसेको नगर प्रमुखको वैठकबाट अध्यक्षको लागि निर्णय भएको हो । शाही खेलकुद र युवा राजनीतिमा सक्रिय हुनुहुन्छ । अव सदस्यहरु भने नियुक्त गर्ने चरणमा रहेका छन् ।
शाहीको नेतृत्वको खेलकुद विकास समितिले खेलक्षेत्रमा महत्वपुर्ण काम गर्ने मेयर महतले विस्वास गर्नुभयो । आफु पनि खेलक्षेत्रबाट आएकाले यस क्षेत्रको विकासका लागि सहयोग गर्न पनि तयार रहेको वताउनुभयो ।
