बागमती प्रदेशमा स्थगित भएकोे भौतिक पूर्वाधार मन्त्री रामेश्वर फुयालको सपथ आज हुँदै

हेटौंडा । बागमती प्रदेशकोे भौतिक पूर्वाधार विकास मन्त्रीमा रामेश्वर फुयाललाई नियुक्त गरिएसंगै आज दिउसो सपथ ग्रहण गर्न लागिएको छ । यसअघि माघ २९ गते अन्तिम समयमा आएर फुयालको सपथ ग्रहण तत्कालका लागि स्थगित गरिएको थियो । भौतिक पूर्वाधार मन्त्रीको सपथ माघ २९ गते ४ वजेका लागि तोकिएको थियो । तर, त्यतीवेला पार्टीको निर्देशन अनुसार रोकिएको थियो । आज भने सपथ ग्रहण पाँच वजे गर्ने अन्तिम तयारी थालिएको छ । मन्त्री फुयालको सपथ ग्रहणका लागि मुख्यमन्त्री कार्यालयबाट पत्र प्राप्त भएको प्रदेश प्रमुखको कार्यालयका एक कर्मचारीले वताए ।

आज पनि सपथ ग्रहण गर्ने विषयमा वाहिर भने जानकारी गराइएको छैन । सपथ ग्रहणका विषयमा पहिले पनि गोप्य भन्दा भन्दै सूचना बाहिरीएपछी अन्तिम समयमा आएर सपथग्रहण रोकिएको थियो । सपथ ग्रहणका लागि प्रदेश प्रमुखको कार्यालय र मुख्यमन्त्री कार्यालयमा सवै तयारी भइसकेको श्रोतले जानकारी दिइएको छ । बाहिर कुरा लिक हुने डरले मुख्यमन्त्री निकटका केही व्यक्तिलाई भन्दा यो विषय बाहिर ल्याइएको छैन ।

आज पाँच वजेका लागि सपथ ग्रहण गर्ने तयारी हिजोनै भएपनि मुख्यमन्त्री कार्यालय र प्रदेशका अधिकांस मन्त्रीहरुलाई फुयालको सपथका विषयमा यो समाचार तयार पार्दा सम्म जानकारी गराइएको छैन । आज सपथ ग्रहण हुने र भोली देखि मुख्यमन्त्रीले समाल्दै आउनुभएको मन्त्रालय फुयालले समाल्ने भएपछी आज भौतिक पूर्वाधार मन्त्रालयमा गएर बाँकी रहेका सवै काम मुख्यमन्त्री पौडेलले गरिसक्नु भएको छ ।
सपथग्रहण गराउनका लागि प्रदेश प्रमुखको कार्यालयमा जानकारी दिइएको छ । त्यसैगरी मुख्यमन्त्री कार्यालयलाई जानकारी गराइएको छ । धेरै प्रदेशसभा सदस्य र प्रदेशका मन्त्री सम्मलाई पनि आज विहान सम्म यसविषयमा जानकारी नभएको वताएका छन् । तर, सपथ ग्रहणको अन्तिम तयारी थालिसकिएको छ ।

अहिले भने प्रदेशका मुख्यमन्त्री डोरमणि पौडेलले काठमाण्डौमा नेकपाका अध्यक्ष तथा प्रधानमन्त्री केपी शर्मा ओलीसंगको भेटपछी फेरी फुयाललाई मन्त्रीमा सपथ ग्रहण गर्ने बाटो खुलेको हो ।
त्यतीवेला नेकपा बागमती प्रदेश कमिटिले फुयाललाई मन्त्री नवनाउन निर्देशन दिएको थियो । अहिलेका सामाजिक विकास मन्त्री युवराज दुलाल भौतिक पूर्वाधार विकास मन्त्रालयमा जाने भन्ने विषयले पनि चर्चा पाएको थियो । तर, मुख्यमन्त्री पौडेलले मन्त्रालय परिवर्तन गर्न नदिने र पहिले पूर्व एमालेले पाएको मन्त्रालय पूर्व एमालेका फुयाललाई दिने भनेपछी पार्टी भित्र विवाद उत्पन्न भएको थियो । अहिले भने प्रधानमन्त्री ओलीसंगको छलफलपछी फुयाललाई मन्त्रीमा आजै सपथ ग्रहण गराउनेगरी मुख्यमन्त्री हिजोनै हेटौंडा फर्कनु भएको हो ।

फुयाललाई मन्त्री वनाउने चर्चा जताततै यसअघि दुईपटक भएपनि आज पनि भने उहाँलाई सपथग्रहण गराउने निश्चित भएको हो । भौतिक पूर्वाधार विकास मन्त्रीमा नियुक्त हुनुभएका फुयालका लागि झण्डावाला गाडी तयारी हालमा राखिएको छ । फुयाल पनि तयारी हालतमा रहनुभएको श्रोतले जनाएको छ ।

प्रदेशका मुख्यमन्त्री डोरमणि पौडेलले काठमाण्डौ जिल्ला क्षेत्र नम्बर ३ प्रदेशसभा २ बाट निर्वाचित फुयाललाई बागमती प्रदेशको भौतिक पूर्वाधार विकास मन्त्रीका रुपमा नियुक्त गर्नुभएको हो । फुयाललाई मन्त्री वनाउने टुङ्गो हिजो काठमाण्डौमा लगाएपछी साँझ उहाँ हेटौंडा फर्कनुभएको हो । पार्टीका केन्द्र र प्रदेशका नेताहरुसंगको लामो परामर्षपछी उहाँलाई प्रदेशको सवैभन्दा ठुलो मन्त्रालय मुख्यमन्त्री पौडेलले जिम्मा लगाउन लाग्नुभएको हो ।

प्रदेश सरकार गठन भएको दुईवषको बार्षिक कार्यक्रम सकिएपछी दिउसो सकिए लगतै फुयालको सपथ ग्रहण गरिने तयारी भएपनि त्यतीवेला सपथ स्थगित गरिएको थियो । उहाँलाई आजै प्रदेश प्रमुखको कार्यालय सपथ ग्रहण गर्ने कार्यक्रम तय भएको मुख्यमन्त्री कार्यालयले जानरकारी दिएको छ ।

यसअघि संविधानसभाका सदस्य समेत रहनुभएका फुयाल लामो राजनीतिक यात्रापछी पहिलोपटक मन्त्री वन्न लाग्नुभएको हो । तत्कालिन भौतिक पूर्वाधार विकास मन्त्री केसव स्थापीतलाई मुख्यमन्त्री पौडेलले वर्खास्थ गरेपछी रिक्त रहेको मन्त्रालयको काम आफैले समाल्दै आउनुभएको थियो । अहिले त्यही मन्त्रालयमा फुयाललाई नियुक्त गर्नुभएको हो ।

बागमती प्रदेशको स्थायी राजधानी र नामाकरणपछी फुयाल मन्त्री वन्ने चर्चा निकै चलेको थियो । तर, चर्चा सेलाउनै लागेको वेलामा उहाँलाई मन्त्री वनाउन लागिएको हो । बागमती प्रदेशमा नेकपाका प्रमुख सचेतक समेत रहनु भएका फुयाल लामो राजनीतिक यात्रापछी मन्त्री वन्न लाग्नुभएको हो ।