तेश्रो बागमती गोल्डकपको उद्घाटन खेलमा आयोजक विजयी
हेटौँडा /पुर्वी मकवानपुरको वागमती गाउँपालिकाको फापरबारीमा आजबाट भएको तेश्रो बागमती गोल्डकप फुटबल प्रतियोगिताको उद्घाटन खेलमा आयोजक बागमती गाउँपालिका विजयी भएको छ ।
प्रतियोगितामा आयोजकले सर्लाहिको बागमती नगरपालिकालाई १-० ले पराजित गरेको हो । खेल सुरु भएको १० मिनेट भित्रै वागमतीको लागि जर्सी नंबर १८ का बाबुराम माझीले गोल गरेका हुन् । उनको गोलनै आयोजकको लागि विजयी गोल बन्यो ।
त्यसैगरी भोलि आइतबारको खेल डाँफे युवा क्लब र नव जागृति युवा क्लब बिच हुने आयोजकले जनाएको छ।गोल्डकपको गृह मन्त्रि राम बहादुर थापाले शनिबार एक समारोह बीच उदघाटन गरेका थिए।
