‘१२ सत्ताइस’ गीतमा गिरिशको र्‍याप (भिडियो)

जनपत्र
३० मंसिर २०७६, सोमबार ०६:२२

मंसिर २७ गतेबाट पोस्टपोन्ड भएर माघ ३ गतेलाई नयाँ प्रदर्शन मिति घोषणा गरिएको फिल्म ‘१२ सत्ताइस’ को शिर्ष गीत सार्वजनिक भएको छ । दीपक आरजेको स्वर तथा संगीत रहेको गीतमा चर्चित र्‍यापर गिरिश खतिवडाको र्‍याप छ । प्रकाश मल्लले गीत लेखेका हुन् । दीपक र गिरिशसँगै गीतको भिडियोमा फिल्मका प्रमुख कलाकारहरु सबै फिचर्ड छन् ।

‘पैसा कमाउन १२ सत्ताइस गर्नुपर्छ’ भन्ने सिद्धान्त बोकेका तीन बेरोजगार पात्रको कथामा फिल्म आधारित छ । फिल्मलाई जोन योञ्जनले निर्देशन गरेका हुन् । भने, कथा पनि उनी स्वयंले लेखेका हुन् । फिल्ममा अभिषेक नेपाल, समिर श्रेष्ठ, काजी राना, अस्मिता लामिछाने, सम्राट थापा, विना कार्की, अस्मिता खनाललगायतका कलाकारहरुको अभिनय छ ।

ह्याप्पी प्ल्यानेट फिल्मस् र कमेरो फिल्म स्क्रिनको संयुक्त ब्यानरमा रेनु राना, दिपक खतिवडा र रुपक थापाको लगानीमा बनेको फिल्मको सह-निर्माता गौतम शाह हुन् । फिल्ममा दीपक आरजेको संगीत, श्रीधर पौडेलको पोस्टर फोटोग्राफी, कृष्ण भण्डारीको सम्पादन र अनिश स्यांगदेनको छायांकन छ । फिल्म ‘१२ सत्ताइस’ उत्कृष्ट बनेको निर्देशक योञ्जनको दाबी छ ।

गीत हेर्नुहोस् :

यसमा तपाइको मत

Your email address will not be published. Required fields are marked *


*