अमेरिकामा अनमोल र नम्रताको ‘ह्याप्पी फेश’

जनपत्र
१४ मंसिर २०७६, शनिबार ०६:१६

अभिनेतामा अहिलेका हटकेक अनमोल केसी अहिले विदेश भ्रमणमा छन् । आइतबार जापानमा भएको ‘सूर्य इन्टरनेशनल अवार्ड’ मा सहभागी हुनका लागि त्यसतर्फ उडेका उनी मंगलबार पिता भुवन केसीसँग अमेरिका पुगेका छन् । नोभेम्बेर ३० तारिखमा हुन लागेको ‘चौथो ग्लोबल नेपाली फिल्म अवार्ड’ मा सहभागीता जनाउनका लागि उनी जापानबाट सिधै अमेरिका गएका हुन् ।

अवार्ड आफूले पाउने निश्चित भएपछि मात्र कार्यक्रममा पुग्ने उनले अमेरिकामा पनि उत्कृष्ट अभिनेताको विधामा अवार्ड पाउने कतिपयको ठोकुवा छ । जापानमा उनले ‘क्याप्टेन’ बाट पपलुर अभिनेताको अवार्ड चुमेका थिए । तर, अवार्ड समारोहमा दर्शकको न्यून उपस्थिति भएका कारण उनले अवार्ड पाउँदा चर्चाभन्दा बढी आलोचना भयो । अनमोल भने अवार्ड पाएकोमा दंग छन् ।

अमेरिका ओर्लिएसँगै अहिले उनी घुमघाममा व्यस्त छन् । अवार्डकै लागि अमेरिका पुगेकी अभिनेत्री नम्रता श्रेष्ठले बिहीबार साँझ अनमोलसँग अमेरिकाको बर्कली मरिनामा घुम्दै गरेको एक तस्विर इन्स्टाग्राममा साझेदार गरेकी छन् । ‘ह्याप्पी फेश’ भन्दै क्याप्सनमा उनले अनमोलप्रति प्रेम दर्शाउँदै लेखेकी छन्, ‘टेक केयर । धेरै माया ।’ तस्विरमा दुबै खुसी मुद्रामा देखिएका छन् ।

अनमोलको फेभरेट अभिनेत्री हुन्, नम्रता श्रेष्ठ । उनी नम्रताको आफूलाई हरेक कुरा मनपर्ने बताउँछन् । गत वर्ष अनमोल अभिनीत फिल्म ‘क्याप्टेन’ हेर्न नम्रता हल पुगेकी थिइन् । त्यसबेला अनमोलले नम्रतासँग आफ्नो परिवार र फिल्मबारे सबै कुरा हुने बताएका थिए । नम्रताले पनि हरेक कुरालाई सकारात्मक रुपमा लिने बानी अनमोलको सबैभन्दा राम्रो रहेको बताएकी थिइन् ।

यसमा तपाइको मत

Your email address will not be published. Required fields are marked *


*