मकवानपुरमा नाबालकलाई खैरो हेरोइन बोकाउने एक युवक पक्राउ
हेटौंडा । नाबालकलाई लागुऔषध बोकाउने एक युवकलाई मकवानपुर प्रहरीले पक्राउ गरेको छ । मकवानपुरको मनहरी गाउँपालिका–३ का ३० वर्षीय भेण्डम भन्ने साजन लामा थिङलाई मकवानपुर प्रहरीले पक्राउ गरेको हो ।
असार ११ गते जिल्ला प्रहरी कार्यालय मकवानपुरबाट खटिएको प्रहरी टोलीले हेटौंडा उपमहानगरपालिका–१०, बसपार्कबाट २५ ग्राम ८०० मिलिग्राम खैरो हेरोईनसहित १ जना नाबालकलाई नियन्त्रणमा लिएको थियो ।
प्रहरीले अनुसन्धानको गर्ने क्रममा उक्त लागूऔषध भेण्डमको हो भनी नाबालकको बयानबाट खुल्न आएपछि भेण्डमको खोजी कार्य तीव्र बनाएको थियो ।
ईलाका प्रहरी कार्यालय नेवारपानीबाट खटिएको प्रहरी टोलीले हेटौंडा उपमहानगरपालिका–१९ बस्तीपुरबाट भेण्डमलाई आइतबार पक्राउ गरिएको जिल्ला प्रहरी कार्यालय मकवानपुरका प्रहरी नायब उपरिक्षक एव प्रवक्ता श्यामु अर्यालले बताए । मकवानपुर जिल्ला अदालतबाट लागूऔषध कसुरमा ७ दिनको म्याद अनुमति लिई थप अनुसन्धान कार्य भइरहेको प्रहरीले जनाएको छ ।
यो पनि पढ्नुहोस्
