‘काले दाई’ गीतमा सुरज थापाको स्वर (भिडियो)

जनपत्र
७ आश्विन २०७६, मंगलवार ०६:०१

गायन रियालिटी सो ‘नेपाल आइडल’ पहिलो सिजनका प्रतिस्पर्धी सुरज थापाको स्वरमा रहेको फिल्म ‘काले दाई’ मा समावेश ‘यो दुनियाँ मेरो लागि’ बोलको गीत सार्वजनिक भएको छ । सोमबार राजधानीमा एक कार्यक्रमका बीच सार्वजनिक गरिएको गीतमा पवनवाङ लामाको संगीत भरेका छन् ।
गीतको शब्द ईन्द्र रामजाली र गोविन्द श्रेष्ठले लेखेका हुन् । गीतको भिडियोमा फिल्मका केही चलरअचल दृश्यहरु समावेश गरिएको छ । फूलपातीको अघिल्लो दिन अर्थात् असोज १७ गतेबाट देशव्यापी प्रदर्शनमा आउन लागेको यो फिल्मले प्रेममा जात घुसेपछि उत्पन्न हुने द्वन्दको कथा वाचन गरेको छ ।
‘काले दाई’ मा इन्द्र रामजाली, शिशिर भण्डारी, अनु पराजुली, सुरेन्द्र केसी, शारदा गिरी, उत्तम केसी, विष्णु सापकोटा, गीता अधिकारी, गोबिन्द श्रेष्ठलगायतका कलाकारहरुको अभिनय छ । शिव शर्मा निर्देशित फिल्मको मूलकथा एक कालो वर्णको युवकको जीवनमा आउने उचार(चढावमा केन्द्रित छ ।
नौधारे फिल्म प्रोडक्सन र रामजाली प्रोडक्सनको ब्यानरमा निर्माण भएको फिल्ममा सम्शेर गुरुङ र ईन्द्र रामजालीको लगानी छ । यसमा इन्द्र रामजाली र किशन अर्यालको कथा, पवन गौतमको छायांकन, कुमार महर्जनको द्वन्द्व, रामजी लामिछानेको कोरियोग्राफी तथा तारा थापा ‘किम्भे’ को सम्पादन छ ।

गीत हेर्नुहोस् :

यसमा तपाइको मत

Your email address will not be published. Required fields are marked *


*