‘कबड्डी कबड्डी कबड्डी’ को डरले सर्‍यो ‘लभ डायरिज’

जनपत्र
२३ भाद्र २०७६, सोमबार ०६:१२

अभिनेता शुशील श्रेष्ठ स्टारर फिल्म ‘लभ डायरिज’ को रिलिज डेट पोस्टपोन्ड भएको छ । असोज ३ मा आउने निश्चित भएको यो फिल्म अब आउँदो कात्तिक १५ अर्थात् छठ पर्वको छेकोमा प्रदर्शन हुने भएको छ । पूर्वघोषित मितिमा मल्टीस्टारर फिल्म ‘कबड्डी कबड्डी कबड्डी’ आउने भएपछि भिड्न्त छल्न यो फिल्मको प्रदर्शन मिति करीब एक महिना पछाडि सारिएको हो ।
कात्तिक १५ मा पनि ‘लभ डायरिज’ ले सोलो रिलिजको अवसर भने पाउने छैन । यो मितिमा एक्सन सुपरस्टार विराज भट्ट निर्देशित, निर्मित तथा अभिनीत फिल्म ‘साङ्लो’ प्रदर्शनमा आउँदैछ । तर, यो फिल्मको प्रदर्शन मिति पोस्टपोन्ड हुने सम्भावना प्रवल छ । प्रचार-प्रसारमा समय अभाव हुने भएकाले फिल्मको रिलिज सार्ने तयारीमा विराज रहेको जानकारी प्राप्त छ ।
तर, ‘साङ्लो’ टिमले अहिलेसम्म यस विषयमा कुनै जानकारी दिएको छैन । ‘लभ डायरिज’ का निर्देशक सौरभ चौधरीले फिल्मको एक गीत सार्वजनिक कार्यक्रममा असोज ३ बाट कुनै हालतमा पछाडि नसर्ने ढिप्पी कसेका थिए । तर, ‘कबड्डी कबड्डी कबड्डी’ ले बक्सअफिसमा टिक्न नदिने देखेपछि उनी आफ्नो बोलीमा अडिग रहन सकेनन् । अन्ततः फिल्म नै सार्न बाध्य भए ।

यसमा तपाइको मत

Your email address will not be published. Required fields are marked *


*