‘ए मेरो हजुर ४’ मा प्रदीपको सम्भावना कति ?

जनपत्र
२२ भाद्र २०७६, आईतवार ०७:५९

अहिलेका चल्तीका अभिनेता प्रदीप खड्का अभिनीत पछिल्ला कुनै फिल्म बक्सअफिसमा सफल छैनन् । ‘प्रेमगीत’ कै ब्याज खाइरहेका उनको ‘लिलिबिली’, ‘रोज’ र ‘लभ स्टेशन’ ले व्यबसायिक सफलता हात पार्न चुके । तर, फिल्म असफल भए पनि प्रदीप भने राम्रै चलेका छन् । न उनको डिमान्डमा कुनै कमी आएको न त पारिश्रमिक नै घट्दो छ । उनलाई फिल्ममा लिन अहिले निर्माताबीच हानाथाप हुने गरेको छ ।
पछिल्लो रिलिज फिल्म ‘लभ स्टेशन’ बाट उनलाई निकै ठूलो आश थियो । भेट्रान निर्देशक उज्ज्वल घिमिरेले क्याप्टेनसिप सम्हालेका कारण धरमराएको फिल्मी करिअर बचाउन ठूलो भूमिका खेल्ने उनको अपेक्षा थियो । तर, फिल्मलाई चोरीको बात लागेपछि दर्शकले हल पुग्ने जाँगरै चलाएनन् । निर्माताको करोडौंको लगानी बालुवामा पानी हालेझैँ भयो । यो फिल्मको असफलताले उनी हच्किएका छन् ।

यसमा तपाइको मत

Your email address will not be published. Required fields are marked *


*