माल्दिभ्सविरुद्ध रुविनाको कीर्तिमानी अर्धशतक

जनपत्र
१ फाल्गुन २०८०, मंगलवार १२:४२

काठमाडौं । नेपाली क्रिकेट टोलीकी पूर्व कप्तान रुविना क्षेत्री बेलबासले मलेसियामा जारी एसीसी वुमन्स प्रिमियर कपमा कीर्तिमानी अर्धशतक प्रहार गरेकी छिन् ।

टस जितेर पहिला ब्याटिङ रोजेको नेपालले १५.३ ओभरमा ४ विकेट गुमाउँदै १५४ रन बनाएको छ ।

नेपालकी रुविना क्षेत्री ४४ बलमा ६ चौका र २ छक्कासहित ७५ रनमा क्रिजमा छिन् ।

रुविनाको महिला टी-२० आईमा यो दोस्रो अर्धशतक हो । यसअघि उनले २०२१ नोभेम्बरमा कतारविरुद्ध ५० रन बनाएकी थिइन् ।

रुविना नेपालबाट महिला टि२० आईमा दुई अर्धशतक हान्ने पहिलो खेलाडी बनेकी छिन् ।

उनी बाहेक नेपालबाट सीता रानामगर ८२ र इन्दु बर्माले ५५ रन त्यसै कतारविरुद्ध सिरिजमा बनाएका थिए । अन्य कुनै पनि ब्याटरले महिला टी-२० आईमा अर्धशतक प्रहार गरेका छैनन् ।

यसमा तपाइको मत

Your email address will not be published. Required fields are marked *


*