असार ८ मा ‘अन्तिम संस्कार’, रेश्माको कमब्याक
प्रदीप शाहीको निर्देशनमा बनेको फिल्म ‘अन्तिम संस्कार’को प्रदर्शन मिति घोषणा गरिएको छ । शुक्रबार एक पोस्टर सार्वजनिक गर्दै आगामी असार ८ गतेलाई प्रदर्शन मिति घोषणा गरिएको हो । पोस्टरमा फिल्मका मुख्य कलाकारहरु विजय लामा, दीया पुन, रेश्मा घिमिरेलगायत प्रस्तुत छन् । रेश्मा डेब्यू फिल्म ‘यो साइनो मायाको’ रिलिजको करिब ५ वर्षपछि फिल्ममा फर्किएकी हुन् ।
साई प्रोडक्सन नेपालको प्रस्तुतिमा ह्याम्साएर एकाउन्टेनले सहकार्य गरेको फिल्ममा भाइराजा थापा, राजु कुमार गुरुङ, सुमन राई, उत्सव विष्ट र रबिन्द्र श्रेष्ठ कार्यकारी निर्मातामा छन् । सामाजिक एवं सांस्कृतिक कथावस्तुमा बनेको फिल्मको निर्माता विनोद सुवेदी क्षितिज हुन् । रहस्यमय हत्या ९मर्डर मिस्ट्री०को कथामा आधारित रहेर निर्माण भएको फिल्मलाई बाबु श्रेष्ठले छायांकन गरेका हुन् ।
फिल्ममा एवनराज उप्रेती, त्रिचन्द्र राई, विशाल पहारी, कृष्णभक्त महर्जन, श्याम राई, पासाङ्ग शेर्पा, दिग्गज खत्री, सुस्मिता गिरी, आईशा तामाङ, सुरज खालिङलगायतको पनि अभिनय छ । कलाकार विजय लामाले ‘अन्तिम संस्कार’ आइरहेका फिल्मभन्दा एकदमै अलग रहेको दाबी गरेका छन् । फिल्मलाई विभिन्न अन्तर्राष्ट्रिय अवार्डहरुमा सहभागी गराउने तयारीमा निर्माण टिम छ ।
