‘किसी का भाई किसी की जान’ ट्रेलरमा सलमानको भरमार एक्सन
बलिउड सुपरस्टार सलमान खान अभिनीत फिल्म ‘किसी का भाई किसी की जान’को ट्रेलर सार्वजनिक भएको छ । इदको अवसर पारेर २१ अप्रिलमा रिलिज हुन लागेको फिल्मको सार्वजनिक ३ मिनेट २५ सेकेन्ड लम्बाईको ट्रेलरमा सलमान कतै रोमान्टिक त कतै खतरनाक एक्सन अवतारमा प्रस्तुत छन् । उनको ‘लभ लेडी’को रुपमा पूजा हेगडेसँग छिन् । उनीहरुको केमेस्ट्री जमेको छ ।
ट्रेलर सलमान र पूजाबीचको रोचक भेट र संवादबाट सुरु छ । विस्तारै दुवै प्रेममा डुब्छन् । प्रेम गाढा भएपछि पूजाले आफ्नो दाई ९वेङ्कटेश दग्गुबाती०सँग सलमानलाई भेटाउँछिन्, जो हिंसा मन पराउँदैनन् । तर, वेङ्कटेश र उसको परिवारसँग बदला लिन केही पात्र ९भिलेन० प्रयास गरिरहेका छन् । यस्तोमा सलमानले कसरी पूजाको परिवारलाई बचाउँछन्, ट्रेलरमा यही कुरा देखाइएको छ ।
फिल्मका निर्देशक फरहाद समजी हुन् । सलमा खान निर्माता रहेको फिल्ममा जगपति बाबू, विजेन्द्र सिंह, सिद्धार्थ निगम, शहनाज गिल, जगपति बाबू, जस्सी गिल, पलक तिवारीलगायतको पनि मुख्य भूमिका छ । फिल्ममा जगपति र विजेन्द्र भिलेनको भूमिकामा छन् । बलिउड र साउथ सुपरस्टारहरुको सहकार्य रहेकोले फिल्मले बक्सअफिसमा आक्रामक व्यापार गर्ने प्रक्षेपण गरिएको छ ।
