राक्सिराङबाट ३४५ केजी गाँजा सहित २ जना पक्राउ
हेटौंडा । मकवानपुरको राक्सिराङबाट ३४५ केजी गाँजा सहित दुइ जनालाई प्रहरीले पक्राउ गरेको छ । राक्सीराङ गाउँपालिका वडा नम्बर–८ गोठडांडा स्थित स्थानीइ प्रेम घलानको घरकोठामा खानतलासी गर्दा निजको घरबाट लागु औषध गाँजा १६३ किलो फेला पारिएको हो । त्यसैगरी सोही स्थानमा ठाकुराम मोक्तानको घरबाट लागूऔषध गाँजा १८२ किलो ४ सय ग्राम गरी जम्मा ३४५ किलो ४ सय ग्राम गाँजा फेला परेको जिल्ला प्रहरी कार्यालय मकवानपुरले जनाएको छ ।
गाँजा सहित घलान र मोक्तानलाई नियन्त्रणमा लिई थप अनुसन्धान कार्य भईरहेको प्रहरीले जनाएको छ । उनीहरुलाई जिल्ला प्रहरी कार्यालय मकवानपुरबाट प्रहरी निरिक्षक केशर कुमार न्यौपानेको कमाण्डमा र इलाका प्रहरी कार्यालय ।मनहरीबाट प्रहरी निरिक्षक कृष्णराज ढकालको कमाण्डमा सयुक्त प्रहरी टोली गाँजा र मानिसलाई नियँत्रणमा लिएको हो ।
