प्रदेश ३ को प्रेस रजिष्टारको शाखा कार्यालय काठमाण्डौंमा खुल्दै
हेटौंडा । प्रदेश नम्बर ३ को प्रेस रजिष्टारको शाखा कार्यालय काठमाण्डौंमा राखिने भएको छ । काठमाण्डौ उपत्यका र आसपासका जिल्लाका रेडियो, टेलिभिजन, अनलाईन र पत्रिकाको काम नजिकैबाट गर्न सकुन भन्ने उदेस्यले शाखा कार्यालय खोल्ने अन्तिम तयारी भएको हो । दुबै कार्यालयबाट वरावर सेवा दिनेगरी काम गर्न लागिएको छ ।
काठमाण्डौको तीन कुनेमा प्रेस रजिष्टारको साखा कार्यालय राख्न लागिएको प्रदेश नम्बर ३ का आन्तरिक मामिला तथा कानून मन्त्री शालिकराम जमकट्टेलले बताउनुभयो । शाखा कार्यालयको प्रदेश ३ का मुख्यमन्त्री डोरमणि पौडेलले यही साउन १५ गते उद्घाटन् गर्ने कार्यक्रम रहेको मन्त्री जमकट्टेलले बताउनुभयो ।
रेडियो, टेलिभिजन, अनलाईन र पत्रिकाको इजाजत, नबिकरण, नियमनका कामहरु हेटौंडा र काठमाण्डौंका दुबै कार्यालयबाट गरिने प्रदेश ३ का प्रेस रजिष्टार रेवती सापकोटाले बताउनुभयो । यसैगरी पत्रपत्रिकाको अभिलेख र प्रेस पास पनि दुबै स्थानबाट दिने उहाँले बताउनुभयो ।
यो पनि पढ्नुहोस्
