मकवानपुरको मनहरीमा प्रहरी र तस्करको गोली चल्यो
हेटौंडा । मकवानपुरको मनहरीबाट प्रहरीले हतियार सहित गाँजा तस्करलाई पक्राउ गरेको छ । मकवानपुरको पस्चिमी क्षेत्रबाट पर्षा जिल्ला तर्फ गाँजा निकासी गर्न लागिएको अवस्थामा प्रहरी पुग्दा गोली चलाउने राक्सिराङ गाउँपालिका वडा नं. १ बस्ने बर्ष ४३ को कुमार स्याङतानलाई पक्राउ गरेको जिल्ला प्रहरी कार्यालय मकवापनुरका प्रहरी उपरिक्षक मुकेश कुमार सिंहले बताउनुभयो ।
गाँजा नियन्त्रणमा लिएर ओसार्नेलाई पक्राउ गर्न खोज्दा मनहरी गाउँपालिका वडा नम्बर ९, रजैयाको राप्तिखोला बगरमा प्रहरी र गाँजा तस्करबीच गोली हानाहान भएको उहाँले जानकारी दिनुभयो । गएराति गाँजा बोकेको समुलाई लक्षित गरेर प्रहरी परिचालन गरिएको थियो । प्रहरी आएको थाहा पाउने बित्तिकै तस्करले पहिले गोली चलाएपछी प्रहरीले पनि एक फायर गरेको थियो । प्रहरीले दुईवटा पोकामा रहेको ३१ केजी गाँजा, नटकटुवा पेस्तोल, पाँच राउन्ड गोली र स्याङतानलाई पक्राउ गरेको हो ।
