रक्तचाप मापन अभियान हेटौंडाबाट सुरु
हेटौंडा / राष्ट्रिय रक्तचाप मापन अभियान २०१९ को अभियान मकवानपुरको हेटौंडाबाट सुरु भएको छ । राष्ट्रिय रक्तचाप सोसाइटीको आयोजनामा मकवानपुरको हेटौंडाबाट यो अभियानको सुरुवात भएको हो । मे ३ बाट सुरु भएको यो अभियान महिनाभरी संचालन हुने मकवानपुरका अभियानका कोडिनेटर डाक्टर प्रबिण चौधरीले बताउनुभयो ।
आज प्रदेश ३ का मुख्यमन्त्री डोरमणि पौडेल र हेटौंडा उपमहानगरपालिकाका मेयर हरिबहादुर महतको रक्त परिक्षण गर्दै अभियानको सुरुवात गरिएको चौधरीले बताउनुभयो । मुख्यमन्त्री कार्यालय र हेटौंडा उपमहानगरपालिकामा गएर अभियानको सुरुवात गरिएको हो । अभियानबाट १५ सय जनाको रक्तचाप मापन गर्ने तयारी गरिएको हो ।
तीन बर्षदेखि यो अभियान सुरु गरिएको हो । अभियान अनुसार हेटौंडा अस्पताल, कान्तिलोकपथ, हेटौंडा स्कुलअफ म्यानेजमेन्ट, मकवानपुरको बकैयाँ गाउँपालिकामा यो कार्यक्रम गरिने हेटौंडा उपमहानगरपालिका स्वास्थ्य साखाका प्रमुख सुपेन्द्र कार्कीले बताउनुभयो ।
यो पनि पढ्नुहोस्
