बंगलादेशसँग मैत्रीपूर्ण फुटबल खेल्न २५ सदस्यीय नेपाली टोलीको घोषणा
बंगलादेशसँग हुने दुईवटा मैत्रिपुर्ण अन्तर्राष्ट्रिय फुटबल खेलका लागि २५ सदस्यीय नेपाली राष्ट्रिय फुटबल टोली घोषणा गरिएको छ। टोलीमा अजित भण्डारी, अनन्त तामाङ, अन्जन विष्ट, एरिक विष्ट, भरत खवास, विकाश खवास, विक्रम लामा, विमल राना, सुजल श्रेष्ठ, विशाल श्रेष्ठ, दर्शन गुरुङ, दिप कार्की, दिलेन लोक्तान, जर्ज प्रिन्स कार्की र किरण चेम्जोङ टोलीमा छन्।
यसैगरि नवयुग श्रेष्ठ, पुजन उपरकोटी, रन्जित धिमाल, रवि पाश्वान, सरोज दाहाल, सेसेहाङ आङदेम्बे, सुबास गुरुङ, सुमन अर्याल, तेज तामाङ र छिरिङ गुरुङ टोलीमा छन्। टोलीको प्रशिक्षकमा बालगोपाल महर्जन तथा सहायक प्रशिक्षकमा किरण श्रेष्ठ र विकाश मल्ल छन्। नेपालले कात्तिक २८ र मंसिर २ गते बंगलादेशसँग मैत्रिपुर्ण खेल खेल्ने छ।
