राष्ट्रिय फुटबलको उध्घाटन् खेलमा मकवानपुर बिजयी
हेटौंडा/हेटौंडामा आजदेखि भएको भूगर्म सिमेन्ट सहिद स्मृति गोल्डकप प्रतियोगिताको उदघाटन खेलमा आयोजक टिम मकवानपुर ११ बिजयी भएको छ । उध्घाटन् खेलमा काठमाडौंको मच्छिन्द्र फुटबल क्लबलाई २–१ गेल अन्तरले पराजित गर्दै मकवानपुर ११ बिजयी भएको हो । मकवानपुरका तर्फबाट बिदेसी खेलाडी काजिमले २ गोल गरेका छन् । यस्तै मछिन्द्रको तर्फबाट डोम्बाबिया महमदले १ गोल गरेका छन् ।बाँस र फलामको प्याराफिटमा बसेर ३ हजार दर्शकले खेल हेर्न आएका थिए । प्रतियोगितामा घरेलु र एक विदेशी टोली सहित राष्ट्रियस्तरमा चर्चित ए डिभिजनका आठ टोलीको सहभागिता रहेको छ । प्रतियोगितामा आयोजक, विदेशी क्लब दाफिन्स, थ्रीस्टार, आर्मी, प्रहरी, सशस्त्र, हिमालयन शेर्पा, च्यासल, सरस्वती र मच्छिन्द्र क्लबले उपाधिको लागि संघर्ष गर्नेछन् ।प्रतियोगिताको विजेताले ८ लाख रूपैया हात पार्नेछन् । दोस्रो हुनेले ४ लाख रूपैयाँ हात पार्नेछन् । प्रतियोगिताको सर्वोत्कृष्ट खेलाडीले ५० हजार रूपैयाँ हात पार्ने आयोजकले जनाएको छ । व्यक्तिगत विधाका विजेताले जनही २०–२० हजार पाउनेछन् । हरेक खेलको म्यान अफ दि म्याचले १० हजार रूपैयाँ पाउनेछ ।
