ओलीले राप्रपा सांसदलाई भने : गण्डकीमा साथ दिनुस्, जे-जे गर्नुपर्छ तयार छौं

यसअघि खगराज अधिकारी नेतृत्वको सरकारमा सामाजिक विकास तथा स्वास्थ्यमन्त्री समेत रहेका तमुसँग भएको भेटमा ओलीले गठबन्धनलाई सहयोग गर्न आग्रह गरेका छन् । यसअघि पनि सँगै बस्दा गण्डकीमा धेरै राम्रो काम भएको र अब पनि मिलेर जाँदा धेरै काम हुन सक्ने बताएको पञ्चरामले जानकारी दिए ।

ओलीले सहकार्यको आग्रह मात्रै गरेनन्, बरु जे–जे गर्दा मिलेर जान सक्ने वातावरण बन्छ, त्यो गर्न तयार रहेको बताए । ‘गण्डकीका नेता साथीहरुले हाँसो गर्दै बरु नेतृत्व नै लिनुस्त, र सँगै जाऔं भन्नुभएको हो । तर त्यो हाम्रो रुचिको विषय होइन,’ तमुले भने, ‘ओलीले नेतृत्वकै कुरा त गर्नुभएन । तर हामी सँगै भयौं भने धेरै काम गर्न सक्छौं भन्नुभयो ।’