गएको वर्ष संसारकै सबैभन्दा धेरै गाडी निर्यात गरेको चीनकाे दाबी
चीनले गएको वर्ष संसारकै सबैभन्दा धेरै गाडी निर्यात गरेको दाबी गरेको छ ।
चीनको उद्योग तथा सूचना प्रविधि मन्त्रालयका एक अधिकारीले गएको वर्ष अर्थात् सन् २०२३ मा आफ्नो देश संसारकै सबैभन्दा ठूलो अटो निर्यातकर्ता बनेको बताउनुभएको समाचार संस्था सिन्ह्वाले जनाएको छ । चीनले गएको वर्ष झण्डै ५० लाख थान गाडी निर्यात गरेको दाबी गरेको छ । यो अघिल्लो वर्षको तुलनामा ५७ दशमलव नौ प्रतिशतले धेरै हो ।
विशेष गरेर चीनमा उत्पादन भएका विद्युतीय गाडीले संसारभरका धेरै ग्राहकको मन जितेको खबरमा उल्लेख छ । गएको वर्ष चीनले १२ लाख थानभन्दा धेरै विद्युतीय गाडी निर्यात गरेको छ । यो अघिल्लो वर्षको तुलनामा झण्डै ७८ प्रतिशतले धेरै हो ।
