इटालीलाई हराउँदै स्पेन नेसन्स लिगको फाइनलमा
जोसेलुले खेल सकिन दुई मिनेट अगाडि गरेको गोलमा स्पेनले बिहीबार इटालीलाई २–१ ले पराजित गर्दै नेसन्स लिगको फाइनल यात्रा तय गरेको छ । उपाधि भिडन्तको अब स्पेनले क्रोएसियाको सामना गर्नेछ ।
यरेमी पिन्टोले स्पेनलाई सुरुआती अग्रता दिलाएपछि इटलीका किरो इमोबाइलले पेनाल्टीबाट गोल गर्दै खेल बराबरीमा ल्याए । खेल अतिरिक्त समयतर्फ अग्रसर भएको भए जोसेलुले निर्णायक गोल गरेका हुन् ।
यो जितपछि स्पेनी प्रशिक्षक लुइस डे ला फुन्टेलाई धेरै राहत हुनेछ । गत मार्चमा स्पेन स्कटल्यान्डविरुद्धको खेलमा पराजित भएपछि उनको चर्को आलोचना सुरु भएको थियो ।
