सुदूरपश्चिम विश्वविद्यालयका १० आंगिक क्याम्पसमा स्ववियु निर्वाचन आज
सुदूरपश्चिम विश्वविद्यालय अन्तर्गत १० वटा आंगिक क्याम्पसहरुमा आज स्वतन्त्र विद्यार्थी युनियनको नेतृत्व चयनका लागि निर्वाचन हुँदैछ।
केन्द्रीय क्याम्पससहितका पाँच क्याम्पसबाहेक १० वटा क्याम्पसमा आज बिहान ८ बजेदेखि नेतृत्व चयनका लागि मतदान हुन लागेको हो।
स्ववियु निर्वाचनका लागि गत १ चैतमा मनोनयन दर्ता गर्ने समय भए पनि आन्तरिक विवादका कारण केन्द्रीय क्यामपसहितका ५ क्याम्पसमा मनोनयन दर्ता नै हुन सकेन।
केन्द्रीय क्याम्पसले भने यही चैत्र २१ गतेको मिति तय गरेको छ। अन्य विवाद भएका क्याम्पसहरुमा भने निर्वाचन गराउने विषयमा छलफल भइरहेको छ।
