शीतल निवासमा चालिसे र अधिकारी नियुक्त
राष्ट्रपति रामचन्द्र पौडेलले प्रमुख स्वकीय सचिवमा डा। सुरेशचन्द्र चालिसे र निजी सचिवमा चिरञ्जीवी अधिकारीलाई नियुक्त गरेका छन् ।
राष्ट्रपति पौडेलले मंगलबार चालिसे र अधिकारीलाई नियुक्त गरेको राष्ट्रपति कार्यालय स्रोतले जनाएको छ ।
चालिसेसँग तत्कालीन प्रधानमन्त्री गिरिजाप्रसाद कोइरालाका परराष्ट्र सल्लाहकारका रूपमा काम गरिसकेको अनुभव छ भने उनले अमेरिका र बेलायतमा नेपाली राजदूतका रूपमासमेत काम गरिसकेका छन् ।
अधिकारी भने यसअघि पनि पौडेलका सहयोगीका रूपमा कार्यरत थिए ।
यो पनि पढ्नुहोस्
