एट्लेटिको मड्रिडको जितमा मोराटाको निर्णायक गोल
स्पेनिस ला लिगामा एट्लेटिको मड्रिडले संघर्षपूर्ण जित हात पारेको छ ।
गएराति भएको खेलमा एट्लेटिको मड्रिडले जिरोनालाई १-० गोल अन्तरले पराजित गरेको हो । एट्लेटिको मड्रिडको जितमा अल्वारो मोराटाको गोल निर्णायक बन्यो ।
पहिलो हाफ गोलरहित बराबरीमा सकिएको खेलको दोस्रो हाफको इन्जुरी समयमा मोराटाले गोल गरेका थिए । इन्जुरी समयको पहिलो मिनेटमै मोराटाले गोल गरेका थिए ।
जितसँगै एट्लेटिको मड्रिडले महत्त्वपूर्ण तीन अंक जोड्न सफल भयो । जितसँगै एट्लेटिको मड्रिड २५ खेलबाट ४८ अंकका साथ लिगको तेस्रो स्थानमा यथावत छ ।
पराजित जिरोना भने समान खेलबाट ३० अंक जोडेर लिगको १२औँ स्थानमा छ ।
