ग्यास सिलिण्डर बिस्फोट हुँदा काँग्रेस नेता भण्डारी आमासहित गम्भीर घाइते
नेपाली काँग्रेसका सांसद डा.चन्द्र भण्डारीको बुद्धनगर, काठमाडौंस्थित निवासमा ग्यास सिलिण्डर विस्फोष्ट हुँदा सांसद भण्डारी तथा आमा हरिकला भण्डारी गम्भिर घाइते भएका छन् ।
गुल्मी निर्वाचन क्षेत्र नं. १ का सङ्घीय सांसद भण्डारी तथा उनकी आमाको कीर्तिपुर बर्न अस्पतालमा उपचार भैरहेको छ । उनीहरुलाई अस्पतालको आईसीयू कक्षमा राखेर उपचार गरिँदैछ ।
बर्न अस्पतालका चिकित्सकहरुका अनुसार उनीहरु दुबै जनाको स्वास्थ्य स्थिति गम्भीर छ । चिकित्सकका अनुसार डा। भण्डारीको शरीरको करिब ३० प्रतिशत तथा उनकी माताको ७० प्रतिशत शरीरको भाग जलेको छ ।
डा.भण्डारीका सहयोगी भुवन भुसालका अनुसार सांसद भण्डारीको मुख, घाँटी र खुटामा जलेको छ भने ८८ वर्षीय आमा हरिकला भण्डारीको अवस्था गम्भीर छ ।
चिकित्सकका अनुसार डा।भण्डारीको फोक्सोमा धुवाँ पसेकोले अवस्था गम्भीर भएको हो ।
डा।भण्डारीको सचिवालयका अनुसार बुधबार राति १० बजे ग्यास सिलिण्डर पड्किएर घटना भएको थियो ।
बुधवार राति उनीहरु सुतिरहेको अवस्थामा एक्कासि ठूलो आवाजसहित ग्याँस विस्फोट भएको थियो ।
