सिरी ‘ए’ मा नापोलीको सानदार जित
इटालियन सिरी ‘ए’ फुटबलमा नापोलीले सानदार जित हात पारेको छ । उसले गएराति सम्पन्न खेलमा स्पेजियाविरुद्ध ३–० को सानदार जित हात पारेको हो ।
नापोलीको जितमा भिक्टर ओसिमहेनले दुई र कभिचा केभाराटकेलियाले एक गोल गरे । खेलको ४७ औं मिनेटमा कभिचाले गोल गर्दै नापोलीलाई सुरुआती अग्रता दिलाएका थिए ।
६८ औं मिनेटमा भिक्टरले गोल गर्दै नापोलीको अग्रता दोब्बर पारे । त्यसपछि खेलको ७३ औं मिनेटमा भिक्टरले व्यक्तिगत दोस्रो गोल गर्दै नापोलीलाई ३–० को फराकिलो जित दिलाए ।
योसँगै शीर्ष स्थानको नापोलीले २१ खेलमा ५६ अंक जोडेको छ । पराजित स्पेजिया १८ अंकका साथ १७ औं स्थानमा रहेको छ ।
