विश्वभर कोरोना : ३४ लाख ८१ हजार संक्रमित, २ लाख ४४ हजारको मृत्यु
विश्वभर कोरोना संक्रमितको संक्रमितको संख्या ३४ लाख ८१ हजार १ सय ६२ पुगेको छ। वल्डो मिटरको तथ्याङ्क अनुसार आइतबार बिहान ६ बजेसम्मको तथ्यांक अनुसार संक्रमितको संख्या अमेरिकामा सर्वाधिक छ। त्यहाँ ११ लाख ६० हजार ५ सय ८५ जनालाई संक्रमण पुष्टि भएको छ।
विश्वभर कोरोनाको संक्रमणपछि मृत्यु हुनेको संख्या २ लाख ४४ हजार ६ सय ६० पुगेको छ। मृत्यु हुनेको संख्या पनि अमेरिकामा नै बढी छ। त्यहाँ ६७ हजारभन्दा बढीको मृत्यु भइसकेको छ।
कोरोना संक्रमणपछि पनि निको हुनेको संख्या ११ लाख ८ हजार २ सय ९५ पुगेको छ। नेपालमा भने संक्रमितको संख्या ५९ पुगेको छ। तीमध्ये १६ जना भने उपचारपछि निको भइसकेका छन्।
