कोरोना पोजेटिभ रिपोर्ट सार्वजनिक गर्न किन गरिन्छ ढिलाई ?

हेटौंडा । विश्व व्यापी रुपमा फैलिएको कोरोना भाइरस (कोभिड १९) को रिपोर्ट सार्वजनिक गर्न सरकारले निकै ढिलाई गर्दै आएको छ । सबै भन्दा जोखिम र संक्रमण रोग भएकाले पनि रोग लागेकाहरुको र लाग्न बाँकी मानिसको सर्तकताका लागि पनि कोरोना पोजेटिभ भएको रिपोर्ट सक्दो छिटो सार्वजनिक गर्नुपर्छ । तर, यसको रिपोर्ट सार्वजनिक गर्न निकै ढिलाई गरिएको छ ।

विरगन्जमा रहेका तीन जान भारतिय नागरिकको कोरोना भाइरसको रिपोर्ट सार्वजनिक गर्नका लागि सरकारलाई दुइदिन लागेको छ । यसको रिपोर्ट जतिसक्दो छिटो सार्वजनिक गर्यो त्यतीनै थप व्यक्ति सर्तक रहन सहज हुने छ । कोरोना भाइरस लागेको ल्याव रिपोर्ट सार्वजनिक गर्नपनि दुई तहका सरकारलाई पुरै दुइदिन दिन लागेको छ । सुक्रबार साँझ हेटौंडाको कोरोना परिक्षण ल्यावमा भारतिय नागरिकमा कोरोना संक्रमण भएको पुष्टी भएपनि आज वल्ल सार्वजनिक गरिएको छ । कोरोना परिक्षण गर्ने ल्याव हेटौंडा बागमती प्रदेश सरकारले स्थापना गरेर परिक्षण गर्न सुरु गरेको हो ।

यही ल्यावमा कोरोना परिक्षणको रिपोर्ट सुक्रबारनै प्राप्त भएको थियो । तर, यो रिपोर्ट प्रदेश सरकारले सार्वजनिक गरेन । त्यसपछी संघीय सरकारले परिक्षण गर्ने स्थान काठमाण्डौको टेकु अस्पतालमा लगियो । त्यहाँ परिक्षण गर्दा पनि सनिवार साँझ कोरोना परिक्षण रिपोर्टमा तीनै जनामा पोजेटिभ देखियो । तैपनि त्यो रिपोर्ट न संघीय सरकारले तत्काल नागरिकलाई सुसुचित गराउनका लागि सार्वजनिक गर्यो नत प्रदेश सरकारलाई सार्वजनिक गर्न भनियो । स्वास्थ्यजस्तो संवेदनशिल क्षेत्रमा सरकारले काम गर्ने शैली उही ढिलो, जनतालाई जानकारी पाउने अधिकारबाट वन्चित समेत गरियो ।

हेटौंडाको कोरोना ल्यावमा कोरोना भाइरस देखिएपछी पुनः काठमाण्डौ पठाइएका तीन जनामा कोरोना भाइरस देखिएको सनिवार वेलुकै हो । काठमाण्डौमा परिक्षण गर्दा कोरोना संक्रमित भएको पुष्टी पनि भयो । कोरोना भाइरस (कोभिड १९) संक्रमण पोजेटिभको आशंकामा हेटौंडामा परीक्षण गरिएको तीन जनाको स्वाब थप परीक्षणका लागि काठमाडौं पठाइएको थियो । काठमाण्डौ पठाएर ल्याव टेष्ट गर्दा कोरोना संक्रमित भएको पुष्टी भएको हो ।

विरगन्जमा वसेका भारतिय नागरिकको हेटौंडाबाट पठाइएको तीन जनामा कोरोना भाइरसको संक्रमण भएको पुष्टी भएको भनियो । तर, औपचारिकता दिइएन । दुइतहका सरकारका सवैजसो संयन्त्रलाई यसबारेमा जानकारी भएपनि आम नागरिकले थाहा पाउने अधिकारबाट वन्चित गरियो । हेटौंडा–१० स्थित किटजन्य रोग अनुसन्धान तालिम केन्द्रमा शुक्रबार ३५ जनाको कोरोना परीक्षण गरिएको थियो । त्यसमध्ये तीन जनाको नतिजा भने पोजेटिभ देखियो । भर्खर सुरु गरेको ल्यावमा कोरोना पोजेटिभ देखिएपनि यसलाई विस्वासै गर्न नसक्ने भन्दै काठमाण्डौमा पठाइएको थियो । तीनै जनाको नमुनालाई काठमाडौंस्थित राष्ट्रिय जनस्वास्थ्य प्रयोगशालामा पठाइएको थियो । काठमाण्डौमा परिक्षण पछी पनि उनीहरुमा कोरोना पोजेटिभ भएको पाइएको हो ।

पर्साबाट ल्याइएको स्वाब परीक्षण गर्दा कोरोनाको संक्रमण देखिएपछी पुनः थप परिक्षणको लागि काठमाडौंस्थित राष्ट्रिय जनस्वास्थ्य प्रयोगशाला पठाइएको वागमती प्रदेशको सामाजिक विकास मन्त्रालयले जानकारी गराएको थियो । भारतीय मुस्लिम धर्म प्रचारकहरुको हेटौंडामा थ्रोट स्वाब परिक्षणका लागि ल्याइएको थियो।

कोरोना पोजेटिभको आशंकापछि वीरगन्ज महानगरपालिका २, छपकैयास्थित श्रीराम हल अगाडिको मस्जिदमा बस्दै आएका ३ जना भारतीयलाई शुक्रबार दिउँसोदेखि नारायणी अस्पतालको आइसोलेसन कक्षमा राखिएको छ । बिहीबार छपकैया र बाराको घुसुकपुर मस्जिदका २४ जना धार्मिक गुरु नारायणी अस्पतालमा ‘स्क्रीनिङ’का लागि आएका थिए । चिकित्सकले उनीहरुको स्वाब संकलन गरि बागमती प्रदेशको हेटौंडामा रहेको कोरोना परिक्षण प्रयोगशालामा पठाएका थिए ।
२४ जना मध्ये दुईजनाको रिर्पोट शंकास्पद देखिएको जानकारी आएपछि अस्पतालले उनीहरुलाई मस्जिदबाट ल्याएर आइसोलेसनमा राखेको हो। हेटौंडाको कोरोना परिक्षण ल्याबले शंकास्पद देखिएका ३ जनाको रिर्पोट कन्फर्म गर्नका लागि राष्ट्रिय जनस्वास्थ्य प्रयोगशाला टेकुमा पठाएको थियो ।

स्थानीयका अनुसार विगत ९, १० दिन अगाडिमात्र यी धार्मिक गुरुहरु मस्जिदमा आएका थिए। बिहीबार स्क्रीनिङको क्रममा उनीहरुले आफू भारतबाट ४ महिना अगाडि नै नेपाल प्रवेश गरेको बताएका थिए । नाम उल्लेख नगर्ने शर्तमा नारायणी अस्पतालका एक चिकित्सक भन्छन् । ‘उनीहरुले दिएको सूचना सहि नहुन् पनि सक्छ, प्रहरीले अनुसन्धान गर्न जरुरी छ।’ तीनजनालाई आइसोलेसनमा राखेदेखि नारायणी अस्पतालका चिकित्सक तथा स्वास्थ्यकर्मीले सर्तकता अप्नाएका छन्।