मकवानपुरमा घर जल्यो, २६ लाख बराबरको क्षति
मकवानपुर/ मकवानपुरको बकैया गाउँपालिका-५ श्रीपुरमा विद्युत् सर्ट भई आगलागी हुँदा एक घर जलेर नष्ट भएको छ ।
शनिवार साँझ करिब साढे ६ बजे मिनेटको समयमा आगलागी हुँदा स्थानीय शेर घिसिङको टायलको छानो भएको एक तले घर जलेर नष्ट भएको मकवानपुर प्रहरी प्रवक्ता पुष्कर बोगटीले जानकारी दिए ।
आगलागी हुँदा घरमा भएको खाद्यान्न, लत्ताकपडा, नगद गरी करिब २६ लाख बराबरको क्षति भएको प्रहरीले प्रारम्भिक अनुमान गरेको छ ।
प्रहरी र स्थानीयवासीको सहयोगमा करिब ३५ मिनेटपछि आगो नियन्त्रणमा लिइएको थियो ।
