बागमतीका मुख्यमन्त्री र स्वास्थ्य सचिबद्वारा हेटौँडा अस्पतालका १३० कर्मचारी कटौती

हेटौँडा । बागमती प्रदेशका मुख्यमन्त्री शालिकराम जम्मकट्टेल र स्वास्थ्य मन्त्रालयका सचिब बद्री बहादुर खड्काद्वारा हेटौँडा अस्पतालका १३० कर्मचारी कटौती कटौती गरेका छन् ।

प्रदेश सरकारले नागरिकको स्वास्थ्य सेवा पाउने अधिकारलाई वन्चित गर्दै कर्मचारी कटौती गर्दा हेटौंडा अस्पतालमा आकस्मिक, ओपीडी, ल्याब लगायतका क्षेत्रमा सेवा प्रभावित हुने भएको छ । अहिले पनि पर्याप्त जनसक्ति अभाबमा सिमित जनसक्तिले सेवा दिइरहेका बेलामा कर्मचारी कटौती गर्दा थप समस्या हुने भएको छ ।

अहिले प्रदेशको स्वास्थ्य मन्त्रालयको जिम्मेवारी पनि मुख्यमन्त्रीले लिएको र त्यही समयमा सचिब खड्काको उक्साहटमा लागेर कर्मचारी कटौती गरिएको हो । स्वास्थ्य मन्त्रालयले अस्पतालमा गत २०८० असोजमा नियुक्ति लिएर काम गर्दै आएका उनीहरूको करार अवधि नवीकरण नगर्ने निर्णय गरेसँगै उनीहरू स्वतः कटौतीमा परेका हुन् ।
मन्त्रालयले हेटौँडा अस्पतालका लागि चालु आर्थिक वर्षमा नियुक्त गरिएको १३० जना प्रशासनिक र प्राविधिक जनशक्तिको करार अवधि थप नगर्ने निर्णय गरेको हो । मन्त्रालयको जिम्मेवारी मुख्यमन्त्री शालिकराम जम्कट्टेलले सम्हाल्दै आएका बखत असार २७ मा निर्णय गर्दै मन्त्रालय र मातहत कार्यालयमा चालू आर्थिक वर्ष २०८०–०८१ को स्वीकृत दरबन्दीमा कार्यरत कर्मचारीको असार मसान्त पश्चात् करार अवधि थप नगर्ने भएको हो । सो निर्णयअनुसार हेटौँडा अस्पतालमा कार्यरत १३० जना जनशक्ति कटौती हुने भएको छ ।

बिरामीलाई प्रतक्ष रुपमा सेवा दिनुपर्ने बिभीन्न तहका कर्मचारी कटौतीले निकै समस्या हुने मदनभण्डारी स्वास्थ्य बिज्ञान प्रतिष्ठानका रजिष्टार तथा हेटौंडा अस्पताल विकास समितिका अध्यक्ष राजेश प्रसाईले बताए ।

सो निर्णयअनुसार हेटौँडा अस्पतालले पनि सूचना जारी गर्दै म्याद थप नहुने जनाएको छ । १३० कर्मचारी कटौती हुने भएसँगै अस्पतालमा जनशक्तिको चरम अभाव हुने निश्चित भएको छ । अस्पतालको सेवा विस्तार र गुणस्तर वृद्धिका लागि चालू आर्थिक वर्षमा मन्त्रालय र लोकसेवा आयोगसँगको समन्वयमा विज्ञापन गरी ती कर्मचारीहरू नियुक्त गरेको हेटौँडा अस्पताल विकास समितिका अध्यक्ष राजेश प्रसाईँले जानकारी दिए ।

उनका अनुसार अस्पतालको सेवा प्रवाह प्रभावित हुनेगरी मन्त्रालयले उक्त निर्णय गरेको हो । १३० कर्मचारी कटौती हुँदा साउन १ गतेबाट अस्पतालको सबै तहको सेवा प्रवाह प्रभावित हुने उनको भनाई छ । १३० जना कर्मचारी मध्ये ८० प्रतिशत कर्मचारी प्राविधिक रहेको उनले बताए । अस्पतालको सेवा विस्तार पछि गुणस्तर वृद्धिका लागि सो कर्मचारी खटाइएको थियो ।

गत वर्ष पनि अस्पतालको १४४ कर्मचारी कटौती गरिएको थियो । प्रदेश सरकारले बजेट कटौती गरेको र कर्मचारीलाई तलब भत्ता उपलब्ध गराउन नसकिने भन्दै प्राविधिक र प्रशासनिक १४४ कर्मचारी हटाउने निर्णय भएको थियो । यस विषयमा प्रतिक्रिया लिन खोज्दा मुख्यमन्त्री जम्मकट्टेलको फोन उठेन ।

प्रदेश सरकारले सो कर्मचारीको तलब भत्ताको बजेट सोझै अस्पतालमा पठाएसँगै मदन भण्डारी स्वास्थ्य विज्ञान प्रतिष्ठानले आर्थिक वर्ष २०७९र०८० मा भर्ना गरेको सो कर्मचारीहरू हटाइएको थियो । सो कर्मचारी हटाएर चालु आर्थिक वर्षको २ महिना अस्पतालको सेवा प्रभावित बनेको थियो ।

अस्पतालको सेवा थप प्रभावित हुन नदिन हटाइएका १४४ कर्मचारीमध्ये अधिकांशले २ महिना स्वयंसेवकको रुपमा काम गरेका थिए । २०८० को साउन र भदौ महिनामा उनीहरुले विना तलब काम गरेका थिए । असोजमा हेटौँडा अस्पताल तर्फबाट दैनिक ज्यालादारीमा नियुक्ति लिएपछि मात्र उनीहरुले तलब पाएका थिए ।

यता मन्त्रालयले सो कर्मचारीहरूको भर्ना प्रक्रिया प्रतिष्ठानबाट हटाएर अस्पतालमा नै कायम गरेको थियो । असोज अन्तिम सातामा मन्त्रालयबाट निर्धारित १४४ मध्ये १३० कर्मचारीका लागि अस्पतालबाट भर्ना खुल्ला गरी नियुक्त गरिएको थियो । नियुक्ति लिएको ९ महिनाको अवधि मन्त्रालय पुनः सो कर्मचारीहरू हटाएको हो ।