आईपीएलमा दिल्लीमाथि बैंगलोरको जीत
इन्डियन प्रिमियर लिग (आईपीएल) टी-ट्वान्टी क्रिकेटमा रोयल च्यालेन्जर्स बैंगलोरले जीत निकालेको छ ।
शनिवार राति भएको खेलमा बैंगलोरले दिल्ली क्यापिटल्सलाई १६ रनले हराएको हो ।
बैंगलोरले दिएको १ सय ९० रनको लक्ष्य पछ्याएको दिल्लीले २० ओभरमा ७ विकेट गुमाएर १ सय ७३ रन मात्र बनाउन सक्यो ।
यस अघि पहिले ब्याटिङ गरेको बैंगलोरले २० ओभरमा ५ विकेट गुमाएर १ सय ८९ रन जोडेको थियो । यस जीतसँगै बैंगलोरले ६ खेलमा ८ अंक जोडेको छ । बैंगलोर तेस्रो स्थानमा उक्लिएको छ ।
दिल्ली ५ खेलमा ४ अंक जोडेर आठौं स्थानमा रहेको छ । एजेन्सी
