बागमती गोल्डकपमा न्यु डाँफे मकवानपुर विजयी
हेटौंडा / बागमती गोल्डकप फुटबल प्रतियोगितामा आज भएकोे खेलमा नवजनजागृती युवा क्लब सिमरालाई ४- ० गोल अन्तरले पछाडि पार्दै न्यु डाँफे युवा क्लव मकवानपुर विजयी भएको छ । विजयी सँगै अव डाँफेले सेमिफाइनल प्रवेशको लागि बाटो खोलेको हो । अब मकवानपुरले जावलाखेल युवा क्लवसंग प्रतिस्पर्धा गर्नेछ ।
प्रतिस्पर्धात्मक खेलमा ४० औं मिनेटमा मकवानपुरको तर्फबाट विश्व अधिकारीले गोल प्रहार गरेका थिए । यसैगरी मकवानपुरबाट खेलिरहेका युवा स्ट्राइकर प्रिजेन तामाङले ४४ औं मिनेटमा दोस्रो गोल गरे । उनले सिमराका गोलरक्षक सुवास बलले गरेको गल्तीको फाइदा उठाउदै गोल गरेका थिए ।
खेलको ७० औं मिनेटमा मकवानपुरको तर्फबाट हिसुब थपलियाले तेस्रो गोल गरेका थिए । उनले कृष्ण लामाको पासमा गोल गरेका थिए । खेलको ९१ औं मिनेटमा रविन स्याङ्तानले चौथो गोल गरे ।
खेलमा मकवानपुरका हिसुब थपलिया म्यान अफ दी म्याच घोषित भए । उनले नगद पाँच हजार रुपैया प्राप्त गरेका छन् । प्रतियोगिता अन्तर्गत् सोमबार भोलि आयोजक बागमती खेलकुद विकास समिति र च्यासल युवा क्लबबीच खेल हुनेछ । प्रतियोगिता फागुन १२ गते सकिनेछ ।
गोेल्डकपको विजेताले ६ लाख नगद, शिल्ड र मेडल पाउने छा् । उपविजेतले ३ लाख हात पार्नेछन् । सर्वोत्कृष्ट खेलाडीले ५० हजार नगद पाउने छन् । उत्कृष्ट गोलरक्षक, फरवार्ड, मिडफिल्डर, डिफेन्डर र प्रशिक्षकले जनही १० हजार प्राप्त गर्ने जनाइएको छ । प्रत्येक खेलका म्यान अफ दी म्याच हुने खेलाडीले ५ हजार नगद प्राप्त गर्ने छन्। पहिलो बागमती गोल्डकपको उपाधी हरिहरपुरगढीले हात पारेको थियो भने दोस्रो गोल्डकपको उपाधी सरस्वती युवा क्लबले हात पारेको थियो।
यो पनि पढ्नुहोस्
