आतंकवादविरुद्ध भारत अमेरिकाकै शैलीमा लाग्ने !
भारतका चिफ अफ डिफेन्स स्टाफ बिपिन रावतले अमेरिकाले सेप्टेम्बर ११ को घटनापछि आतंकवाद विरुद्ध थालेको लडाइँकै शैलीमा भारतले पनि काम शुरु गर्नुपर्ने बेला भएको बताएका छन् ।
रायसीना डायलग कार्यक्रमलाई विहीबार नयाँ दिल्लीमा सम्बोधन गर्दै उनले सो कुरा बताएका हुन् । उनले देशलाई कट्टपन्थीबाट मुक्ति दिलाउने शिविर ९डी रेडिकलाइजेन क्याम्प० चलाउन लागिएको समेत उल्लेख गरेका छन् ।
भारतीय सेनाको कुनै शीर्ष अधिकारीले यसखालको धारणा राखेको यो पहिलो पटक हो । उनले भनेका छन्,‘‘काश्मीरमा १०–१२ वर्षका केटाकेटीलाई कट्टरपन्थी बनाइएको छ । ती बच्चालाई पनि शिविरमा लग्ने अवस्था आउनु चिन्ताको विषय हो । ’’
उनले थपेका छन्, ‘‘आतंकवादविरुद्धमा भारतले त्यस्तै कदम चाल्नुपर्छ जस्तो कदम सेप्टेम्बर ११ को घटनापछि अमेरिकाले चालेको थियो ।’’एजेन्सी