चुनाव नजिकिँदै गर्दा राजस्थानमा १०० युनिटसम्म बिजुली ‘फ्री’

जनपत्र
१८ जेष्ठ २०८०, बिहीबार ०६:४६

भारतको राजस्थानमा यसै वर्ष हुने विधानसभा चुनावको मिति नजिकिँदै गर्दा मुख्यमन्त्री अशोक गहलोतले राहतको घोषणा गरेका छन् ।

सामाजिक सञ्जाल ट्विटरमार्फत मुख्यमन्त्री गहलोतले महंगी राहत शिविरमा प्राप्त सुझावका आधारमा प्रतिमहिना १०० युनिटसम्म बिजुली ‘फ्री’ गर्ने निर्णय लिइएको जानकारी दिए ।

अब उपभोक्ताले १०० युनिटसम्म बिजुली प्रयोग गरेमा शुल्क तिर्नुपर्ने छैन । १०० युनिटभन्दा बढी बिजुली प्रयोग गर्नेले पनि १०० युनिटसम्मको महशुल छुट पाउने भारतीय सञ्चारमाध्यमले जनाएका छन् । छुट सुविधाबापतको महशुल राज्य सरकारले तिर्नेछ ।
एजेन्सी

यसमा तपाइको मत

Your email address will not be published. Required fields are marked *


*