‘नक्कली म्यासेज’ बनाई दुष्प्रचार गरिएको भन्दै सूर्य थापाले पोखे आक्रोश
प्रधानमन्त्री केपी शर्मा ओलीका प्रेस सल्लाहकार सूर्य थापाले आफ्नो नाममा ‘फेक म्यासेज’ बनाएर प्रचण्ड(नेपाल पक्षबाट भ्रम फैलाएको भन्दै आक्रोश पोखेका छन् । सूर्य थापाको फेसबुक पोस्ट भन्दै सामाजिक सञ्जालमा भोलि दरबारमार्गमा आयोजना गरिने कार्यक्रम स्थगित गरिएको भनेर भ्रम फैलाइएकोप्रति उनले आक्रोश पोखेका हुन ।
उनले सामाजिक सञ्जालमा लेखेका छन, ‘मेरो फेसबुक आइडीलाई स्क्रीन सट गरी नक्कली म्यासेज बनाई सोसल मिडियामा व्यापक रूपमा दुष्प्रचार गर्न यस्तो अपराधिक गिरोह कुत्सित सक्रियतामा संलग्न रहेकोमा म उक्त कार्यप्रति खेद प्रकट गर्दछु ।’ उनले भोलि हुने गरी तयारी भइरहेको निर्धारित कार्यक्रम दिउँसो १२ बजे नारायणहिटी गेटमा हुने बताएका छन ।
सामाजिक सञ्जालमा पोस्ट गरिएका केही ‘स्क्रिन सट’ राख्दै उनले यसरी नक्कली कार्यबाट दुष्टतापूर्वक भ्रमको खेती गर्नेहरूप्रति सावधान रहन र अन्योलमा नपर्न सम्बद्ध सबैमा अनुरोध पनि गरेका छन ।
उनले फेसबुकमा यस्तो लेखेका छन
https://www.facebook.com/surya.thapa.754918/posts/3725034147589062
यो पनि पढ्नुहोस्
