मकवानपुरगढी ५ पाखाटोलमा नेकपाको भेला
हेटौंडा । नेपाल कम्युनिष्ट पार्टी मकवानपुर गढिगाउपालिका वडा नम्बर ५ पाखाटोलमा टोल भेला तथा गाउँकमिटी गठन कार्यक्रम भएको छ । नेकपा मकवानपुरगढी ५ वडा कमिटिका अध्यक्ष अध्यक्ष बिष्णु दंगालको अध्यक्षता तथा बागतमी प्रदेश सभा सदस्य तथा नेकपा केन्द्रिय सदस्य कुमारी मोक्तानको प्रमुख आतिथ्यतामा कार्यक्रम भएको हो ।
कार्यक्रममा नेकपा जिल्ला कमिटी सदस्य विष्णु प्रसाद दाहाल, मकवानपुर गढी गाउँपालिका अध्यक्ष बिदुर हुमागाँई, गढी ५ का वडाध्यक्ष जीत बहदुर घिमिरे, नेकपा गाउँपालिका अध्यक्ष राम्जी सापकोटा, स्थानीय जनप्रतिनिधि सुनमाया पाख्रीन लगायतकाले मन्तव्य व्यक्त गर्नुभएको थियो । बिभीन्न पार्टी परित्याग गरेर ८२ जना नेकपामा प्रबेश गरेका थिए । भेलाले बहादुर सिंह स्याङ्तानको अध्यक्षतामा १३ सदस्यीय पाखाटोल चुवार गाउँ कमिटी गठन गरिएको छ ।
