हेटौंडामा पहिलो पटक सवारी साधनको प्रयोगात्मक परिक्षा, मोटरसाईकलको ट्रायल दिनेको भिड

जनपत्र
५ पुष २०७६, शनिबार १४:११

हेटौंडा । प्रदेश नम्बर–३ सरकारको भौतिक पूर्वाधार विकास मन्त्रालय अन्तरगतको यातायात व्यावस्था सेवा कार्यालय, हेटौंडाले सवारीका साधनको सवारी चालक अनुमति पत्र (लाइसेन्स) दिनका लागि आजबाट प्रयोगात्मक परिक्षा सुरु गरेको छ ।

प्रदेश सरकार मातहतको कार्यालयले पहिलो पटक हेटौंडाबाटनै सवारी चालक अनुमति पत्रको ट्रायल दिन सुरु गरेको हो । आज भने मोटरसाईकलको प्रयोगात्मक (ट्रायल) परिक्षा लिइएको हो । मोटरसाईकल र स्कुटरको ट्रायल दिएका अधिकांश परिक्षार्थी अनुत्रिण भएका छन् । परिक्षा दिएका मध्य थोरै मात्र प्रयोगात्मक परिक्षामा पास गर्न सफल भएका छन् ।

आजको परिक्षामा ५ सय १० जनाले ट्रायल दिएको यातायात व्यावस्था सेवा कार्यालय हेटौंडाका निमित्त प्रमुख पोषण थापाले जानकारी दिनुभयो । आज मोटरसाईकलको ट्रायल ३ सय ८१ जनाले दिएका छन् भने ६९ जनाले स्कुटीको ट्रायल दिएका हुन् । कारको लिखीत परिक्षा भएपनि ट्रायल भने पछी गरिने उहाँले जानकारी दिनुभयो ।

प्रदेश नम्बर तीनका नागरिकहरुका लागि लक्षित गरी सवारी चालक अनुमति पत्र(लाइसेन्स)का लागि प्रकृया शुरु भएसंगै सवारी चालक अनुमति पत्रको लागी भिड् लागेको छ । ट्रायल दिन आउनेहरुको आज विहानैबाट हेटौंडा ११ वागथलीमा भिड लागेको थियो ।

हेटौंडाबाटनै पहिलोपटक सेवा पाएकोमा सवै खुसी समेत भएका छन् । हेटौंडामा रहेको यातयात ब्यवस्था कार्यालयले सवारी चालक अनुमति पत्रका लागि आवेदन आहवान गरेसँगै बिहीबार लिखित परीक्षा लिएको थियो । लिखित परीक्षमा ५ सय २० जनाले सहभागिता जनाएको यातयात ब्यवस्था सेवा कार्यालय हेटौंडाका निमित्त प्रमुख पोषण थापाले जानकारी दिनुभयो ।

सवारी चालक अनुमति पत्रको लागी मकवानपुर, सिन्धुली, चितवन, नवलपरासी लगाएत आसपासका विभिन्न जिल्लाका आम नागरिककको यसमा उलेख्यसहभागिता रहेको छ ।

यातयात ब्यवस्था कार्यालय प्रदेश नम्बर तीनले सबैप्रकारका सवारी साधनका लागि भन्दै अनलाइन मार्फत आवेदन दिने ब्यवस्था मिलाइएको हो । यसअघि सवारी चालक अनुमति पत्रको लागी बिरगंज, काठमाडौं र जनकपुर जानु पर्ने पाध्यता रहेको थियो । हेटौंडामै सवारी चालक अनुमति पत्र पाउने भएपछि यहाँका स्थानिय खुसी भएका छन् ।

यसमा तपाइको मत

Your email address will not be published. Required fields are marked *


*