भीमफेदीमा हाईस दुर्घटना, ३ जना घाइते
मकवानपुर — मकवानपुरको भीमफेदी गाउँपालिका–६ एघारघुम्तीस्थित भीमफेदी–कुलेखानी–काठमाडौँ सडक खण्डमा हाईस गाडी दुर्घटना हुँदा ३ जना घाइते भएका छन्।
जिल्ला प्रहरी कार्यालयका अनुसार बिहान करिब ११:२० बजेको समयमा काठमाडौँबाट हेटौंडातर्फ आउँदै गरेको बा ३ ख ७८७६ नम्बरको हाईस गाडी ब्रेक फेल भई सडकको भित्तामा ठोक्किँदा दुर्घटना भएको हो।
दुर्घटनाको खबर प्राप्त हुनासाथ इलाका प्रहरी कार्यालय भीमफेदीबाट प्रहरी नायब निरीक्षक प्रेम तामाङको कमाण्डमा ट्राफिकसहित ६ जनाको टोली घटनास्थलमा खटिएको थियो।
गाडीमा चालकसहित १० जना सवार रहेका थिए। तीमध्ये ३ जनालाई घाइते अवस्थामा उद्धार गरी उपचारका लागि हेटौंडा अस्पताल पठाइएको छ भने अन्य यात्रुहरू सामान्य घाइते भई आफैं उपचारका लागि गएका छन्।
यो पनि पढ्नुहोस्
