आबेको हत्या प्रकरणः जापान प्रहरीद्वारा सुरक्षामा भएको त्रुटि स्वीकार

जनपत्र
२६ असार २०७९, आईतवार ०९:१९

जापानको दक्षिणी सहर नारामा शुक्रबार गोली हानी मारिएका जापानका पूर्वप्रधानमन्त्री सिन्जो आबेको सुरक्षामा कमजोरी रहेको जापानी प्रहरीले स्वीकार गरेको छ। नाराका प्रहरी प्रमुख तोमोआकी ओनिजुकाले भने, ‘सुरक्षामा समस्या भएको कुरालाई नकार्न सकिँदैन। ’

एउटा राजनीतिक कार्यक्रममा एक बन्दुकधारीले आबेमाथि गोली हानेका थिए। यस आक्रमणले जापानलाई गहिरो स्तब्ध बनाएको छ। माथिल्लो सदनका लागि पूर्वनिर्धारित निर्वाचन आइतबार हुँदैछ। आबेको हत्या भएको दुई दिनपछि स्थानीय समयअनुसार बिहान ७ बजे मतदान सुरु भएको छ।

उनको हत्याले सत्तारुढ लिबरल डेमोक्र्याटिक पार्टी ९एलडीपी०को समर्थन बढ्न सक्ने अनुमान गरिएको छ। आबे एलडीपीका प्रमुख र अत्यधिक प्रभावशाली व्यक्तित्व थिए। शनिबार पनि सामान्यभन्दा कडा सुरक्षाका साथ प्रचार प्रसार जारी थियो।

यसमा तपाइको मत

Your email address will not be published. Required fields are marked *


*