१५ सय टिन तेलसहित भारतीय ट्रक सशस्त्र प्रहरीको नियन्त्रणमा

जनपत्र
४ असार २०७९, शनिबार ११:४४

सप्तरी – सप्तरीमा सशस्त्र प्रहरीले अवैध तेलसहित एक भारतीय ट्रक नियन्त्रणमा लिएको छ । हनुमाननगर कङ्कालिनी नगरपालिका वडा नम्बर १ कोशी ब्यारेजबाट ट्रक नियन्त्रणमा लिएको हो ।

ट्रकमा भन्सार नभएको ५४ लाख ९६ हजार रुपैयाँ बराबरको रिफाइन पाल्माेनियम तेल बरामद गरिएकाे हाे । यूपी ७५ एम ३६९५ नम्बरको भारतीय ट्रकमा १५ सय टिन तेल भेटिएकाे हाे । प्रहरीले ट्रक चालक भारतको उतर प्रदेश कानपुरका ३८ वर्षीय अवध बाबू र सहचालक २३ वर्षीय धिरज कुमारलाई पक्राउ गरेकाे छ ।

ट्रकसहित उनीहरूलाई आवश्यक अनुसन्धानका लागि राजविराज भन्सार कार्यालय तिलाठी पठाइएकाे सशस्त्र प्रहरी बल नेपाल नम्बर ६ गण हेडक्वार्टरले जनाएको छ ।

यसमा तपाइको मत

Your email address will not be published. Required fields are marked *


*