पाँचखाल नगरपालिकाकाे मेयरमा कांग्रेस र उपमेयरमा एमाले विजयी
काठमाण्डाै – काभ्रेपलाञ्चोक जिल्लाकाे पाँचखाल नगरपालिकाको मेयरमा नेपाली कांग्रेसका महेश खरेल र उपमेयरमा नेकपा एमालेकी सूर्यमाया दनुवार विजयी हुनुभएको छ ।
आज बिहान सम्पन्न भएको मतगणना परिणामअनुसार कांग्रेसका मेयर पदका उम्मेदवार खरेलले १२ हजार ८ सय ३६ मत प्राप्त गर्नुभएको छ भने एमालेका उपमेयर पदका उम्मेदवार दनुवारले ९ हजार ५ सय ३४ मत प्राप्त गरी विजयी हुनुभएको हो ।
मेयर पदका निकटतम प्रतिस्पर्धी एमालेकी कञ्चन अधिकारीले ८ हजार १ सय १५ मत प्राप्त गर्नुभएको छ भने उपमेयरका निकटतम प्रतिस्पर्धी नेकपा माओवादी केन्द्रका चेतप्रसाद गौतम (मणि) ले ९ हजार १० मत प्राप्त गर्नुभएको छ ।
